Alocasia

Alocasia iku sawijining génus tuwuhan rhizomatous utawa bulbous perennials (pala kapendhem) kanthi godhong kang amba saka famili Araceae. Ana watara 70 spesies Alocasia kang tinemu ing Asia, Oséania lan Amérika Kidul. Godhongé kang amba awangun ati (waru) utawa lancip bisa tuwuh dawané 20 nganti 90 cm ing gagangé kang dawa. Kembangé kang éndah tuwuh ing pucuk gagangé kang cendhek, nanging ora pati cetha, malah kerep ndhelik ing sangisoré gagang godhong. Wité utawa stem wujud uwi, ngandhut kristal asem oksalat (H2C2O4) kang bisa gawé ilat lan tenggorokan kebas lan abuh. Sadurungé dipangan, uwi kudu digodhok suwé. Sawetara jinis, kaya Amazon Lily saka African Mask (Alocasia x amazonica), ditandur kanggo pethètan.